മികച്ച സംരംഭക പഞ്ചായത്ത്
കേരള സർക്കാറിന്റെ വ്യവസായ വാണിജ്യ വകുപ്പിന്റെ കീഴിൽ 2022-23 സാമ്പത്തിക വർഷത്തിൽ കോഴിക്കോട് ജില്ലയിൽ മികച്ച പ്രവർത്തനം കാഴ്ചവെച്ചതിനുള്ള "സംരംഭ മേഖലയിലെ മികവിനുള്ള അവാർഡ്" പെരുമണ്ണ ഗ്രാമപഞ്ചായത്ത് സ്വന്തമാക്കി.
സംസ്ഥാന സർക്കാർ നടപ്പിലാക്കിയ 'ഒരു വർഷം ഒരു ലക്ഷം സംരംഭങ്ങൾ' എന്ന പദ്ധതിക്ക് കീഴിൽ മാതൃകാപരമായ പ്രവർത്തനങ്ങളാണ് പെരുമണ്ണയിൽ നടന്നത്. ഗ്രാമീണ മേഖലയിലെ തൊഴിലില്ലായ്മ പരിഹരിക്കാനും പ്രാദേശിക സമ്പദ്വ്യവസ്ഥയെ ശക്തിപ്പെടുത്തുക എന്നതാണ് ലക്ഷ്യം
- നേട്ടത്തിന് പിന്നിലെ പ്രധാന ഘടകങ്ങൾ:
കൂടുതൽ പുതിയ സംരംഭങ്ങൾ: നിശ്ചിത ലക്ഷ്യത്തേക്കാൾ കൂടുതൽ പുതിയ സൂക്ഷ്മ-ചെറുകിട സംരംഭങ്ങൾ (MSMEs) പഞ്ചായത്തിൽ ആരംഭിച്ച് രജിസ്റ്റർ ചെയ്യാൻ സാധിച്ചു.
തൊഴിലവസരങ്ങൾ: പുതുതായി തുടങ്ങിയ വ്യവസായ-വാണിജ്യ സംരംഭങ്ങളിലൂടെ നിരവധി പേർക്ക് പ്രാദേശികമായി തൊഴിൽ നൽകാൻ കഴിഞ്ഞു.
ലോൺ,ലൈസൻസ്-സബ്സിഡി മേളകൾ: വ്യവസായ വകുപ്പിന്റെ സഹകരണത്തോടെ ബോധവൽക്കരണ ക്ലാസുകളും, ലോൺ, ലൈസൻസ്, സബ്സിഡി മേളകളും സംഘടിപ്പിച്ച് സാധാരണക്കാരായ സംരംഭകർക്ക് ആവശ്യമായ പിന്തുണ വേഗത്തിൽ ലഭ്യമാക്കി.
സ്ത്രീ ശാക്തീകരണം: പുതിയ സംരംഭകരിൽ വലിയൊരു പങ്ക് വനിതകളായിരുന്നു എന്നത് ഈ നേട്ടത്തിന്റെ തിളക്കം കൂട്ടുന്നു.
പെരുമണ്ണ പഞ്ചായത്തും MGNREGS ഉം കൂടിച്ചേർന്ന് സംരംഭ കൂട്ടായ്മക്ക് നിരവധി വർക്ക്ഷെഡുകൾ നിർമ്മിച്ചു നൽകാൻ കഴിഞ്ഞു.